Matapos ang kumpirmasyon ng kanilang engagement, tila ready to walk down the aisle na nga sina Korina Sanchez at Sen. Mar Roxas. Sa special report ng The Buzz kahapon, idinetalye kung kailan naganap ang nasabing engagement ng dalawa. Nag-propose si Sen. Roxas noong April 12 during the reunion of his clan, ang Araneta clan sa kanilang probinsiya sa Negros Occidental at doon din ay pormal na ipinakilala ng senador sa kanyang mga kapamilya ang sikat na broadcast journalist. Pumutok naman ang kumpirmasyon ng balita sa Showbiz News Ngayon noong April 15.
Sa Wowowee live show noong Sabado (April 25) guest co-host si Korina at nagulat ang lahat ng umakyat sa stage si Sen. Roxas. “Matagal na rin kaming nagsasama, matagal na rin akong binata, akala ko talaga magbibinata ako habambuhay pero nakilala ko si Koring (palayaw ni Korina), at maganda naman ‘yung simula, sa ligawan,” pagbabahagi ng pulitiko. Inamin din niya na nung panahong iyon ay marami ang nanliligaw kay Korina at mahigpit ang kumpetisyon. “Ang alam ko lang mahal ko siya at siya y’ung nagpatigil sa pagkakabinata ko,” dagdag ng senador. Sinabi naman ni Korina na si Sen. Mar ang napili niya sa lahat ng nakapila dahil nakita niya rito ang pagiging totoo kumpara sa iba na naging dahilan upang mapaluha ang senador.
Idinetalye naman ni Sen. Mar kung paano naganap ang proposal niya sa kanyang girlfriend. “Ang setting ay nasa resort kami, at gabi. Nadidinig ‘yung hampas ng alon, at siyempre magkatabi kami. Kami lang at nagho-holding hands. Sinabi ko naman sa kanya na, ‘tayo na nga talaga ito kaya I want to formally ask for your hand in the church.’ ‘Yun lang ang naaalala ko naiiyak ako sa tuwa, eh,” anang senador. Nang hingan naman siya ng mensahe para kay Korina, naging madamdaman ang sinabi niya. “Matagal na rin tayong nagsasama at alam mo naman how I feel about you at gusto kong malaman mo na buong-buo nang loob ko. Walang kahit anong tanong sa puso ko at sa isip ko na tayo na nga habambuhay.”
Sa Wowowee live show noong Sabado (April 25) guest co-host si Korina at nagulat ang lahat ng umakyat sa stage si Sen. Roxas. “Matagal na rin kaming nagsasama, matagal na rin akong binata, akala ko talaga magbibinata ako habambuhay pero nakilala ko si Koring (palayaw ni Korina), at maganda naman ‘yung simula, sa ligawan,” pagbabahagi ng pulitiko. Inamin din niya na nung panahong iyon ay marami ang nanliligaw kay Korina at mahigpit ang kumpetisyon. “Ang alam ko lang mahal ko siya at siya y’ung nagpatigil sa pagkakabinata ko,” dagdag ng senador. Sinabi naman ni Korina na si Sen. Mar ang napili niya sa lahat ng nakapila dahil nakita niya rito ang pagiging totoo kumpara sa iba na naging dahilan upang mapaluha ang senador.
Idinetalye naman ni Sen. Mar kung paano naganap ang proposal niya sa kanyang girlfriend. “Ang setting ay nasa resort kami, at gabi. Nadidinig ‘yung hampas ng alon, at siyempre magkatabi kami. Kami lang at nagho-holding hands. Sinabi ko naman sa kanya na, ‘tayo na nga talaga ito kaya I want to formally ask for your hand in the church.’ ‘Yun lang ang naaalala ko naiiyak ako sa tuwa, eh,” anang senador. Nang hingan naman siya ng mensahe para kay Korina, naging madamdaman ang sinabi niya. “Matagal na rin tayong nagsasama at alam mo naman how I feel about you at gusto kong malaman mo na buong-buo nang loob ko. Walang kahit anong tanong sa puso ko at sa isip ko na tayo na nga habambuhay.”
